fréttir

11. febrúar 2021
31. október 2020
Loksins, loksins eru komin úrslit í ljósmyndakeppninni „Mannlífið í Mosfellsdalnum“! Þú finnur niðurstöður úrslitanna hér :)
03. júní 2020
Smelltu hér til að taka þátt!!
27. maí 2020
Hver er hugur manna til almenningssamganga í Dalnum? Er fólk sátt við núverandi fyrirkomulag eða þarf að gera breytingar? Áður en stjórn Víghóls fer að beita sér í þessum málum viljum við heyra hvað Dalbúar í raun vilja. Hér að neðan er því smá könnun sem þið megið gjarnan svara...takk :)

https://freeonlinesurveys.com/s/5eA5Hokt
29. febrúar 2020
Fundargerð aðalfundar Víghóls, sem haldinn var 20. febrúar síðastliðinn, má finna hér.
20. febrúar 2020

Tillögur að lagabreytingum

Hér að neðan eru lög Víghóls eins og þau eru í dag. Fyrir neðan lagagreinar 4 og 5 eru tillögur að breytingum. Kosið verður um þessar lagabreytingar á aðalfundinum í kvöld.

Lög Víghóls

1.gr.
Félagið heitir Víghóll.

2. gr.
Tilgangur félagsins er að standa vörð um sameiginleg hagsmunamál íbúa í Mosfellsdal.

3. gr.
Tilgangi sínum hyggst félagið ná með að fylgjast með þeim málum er varða hagsmuni íbúa Mosfellsdals, t.d. skipulagsmálum og fleira.

4. gr.
Félagsaðild. Allir sem hafa lögheimili í Mosfellsdal hafa heimild til þess að ganga í félagið. Aðrir sem óska eftir aðild verða að fá samþykki stjórnar til inngöngu í félagið.

TILLAGA AÐ BREYTINGU Á FJÓRÐU GREIN:
Félagsaðild. Allir íbúar með lögheimili í Mosfellsdal 18 ára og eldri teljast félagar og fá send félagsgjöld í valgreiðslu í heimabanka. Aðrir sem óska eftir aðild verða að fá samþykki á aðalfundi til inngöngu í félagið.

5. gr.
Starfstímabil félagsins er almanaksárið.  Á aðalfundi skal stjórn gera upp árangur liðins árs.  Aðeins félagsmenn mega vera þátttakendur í aðalfundi. Aðeins félagsmenn sem greitt hafa félagsgjöld hafa atkvæðisrétt.

TILLAGA AÐ BREYTINGU Á FIMMTU GREIN:
Starfstímabil félagsins er almanaksárið.  Á aðalfundi skal stjórn gera upp árangur liðins árs.  Allir íbúar geta verið þátttakendur í aðalfundi. Allir félagsmenn hafa atkvæðisrétt.

6. gr.
Aðalfund skal halda eigi síðar en 10. mars ár hvert og skal boða til hans með að minnst tveggja vikna fyrirvara með sannanlegum hætti.  Aðalfundur er löglegur, sé rétt til hans boðað. Einfaldur meirihluti mættra félagsmanna ræður úrslitum mála. Dagskrá aðalfundar skal vera sem hér segir:
1. Kosning fundarstjóra og fundarritara 2. Skýrsla stjórnar lögð fram 3. Reikningar lagðir fram til samþykktar 4. Lagabreytingar 5. Ákvörðun félagsgjalds 6. Kosning stjórnar 7. Önnur mál

7.gr.
Stjórn félagsins skal skipuð 3-5 félagsmönnum, formanni og 2 – 4 meðstjórnendum,  kjörnum á aðalfundi til eins árs í senn. Stjórnin skiptir með sér verkum. Stjórn félagsins fer með málefni félagsins milli aðalfunda.  Formaður boðar til funda. Firmaritun er í höndum meirihluta stjórnar.

8.gr.
Ákvörðun um félagsgjald skal tekin á aðalfundi.  Félagsgjöld skulu innheimt árlega.

9. gr.
Rekstrarafgangi/hagnaði af starfsemi félagsins skal varið til hagsmuna fyrir íbúa Mosfellsdals og fagnaði á vegum íbúa Mosfellsdals

10. gr.
Ákvörðun um slit félagsins skal taka á aðalfundi með einföldum meirihluta atkvæða og renna eignir þess til Styrktarfélags lamaðra og fatlaðra í Reykjadal.
08. febrúar 2020
17. ágúst 2019
Í dag var Dalbúafélagið Víghóll með undirskriftarlista á markaðnum við Mosskóga. Efni undirskriftarlistanna er annars vegar að halda byggð í hektaralóðum líkt og samþykkt var á síðasta aðalfundi og hins vegar að kalla eftir framkvæmdum á göngustígum innann/milli sem fyrst í dalnum til að auka öryggi vegfaranda og efla samfélagið m.a.

Nú eru báðir listarnir komnir í nn á rafrænt form og hvetjum við ykkur til að skoða. Athugið að allir geta skrifað undir göngustígalistann en hinn er einungis ætlaður þeim sem eru íbúar eða landeigendur hér í dalnum.

Rafrænu undirskriftarlistana má finna hér að neðan:
Viljayfirlýsing á áframhaldandi blandaðri byggð vegna gerðar nýs deiluskipulags
Göngustígar í Mosfellsdal

ýmsir hlekkir

Fundargerðir Mosfellsbæjar

Gljúfrasteinn

Gönguleiðir í Mosfellsbæ - PDF

Mosskógar FB síða

Sorphirðudagatal 2020 - PDF