Stjórnarfundur

Mosfellsdalur, 09. nóvember 2021

Fundargerð stjórnar Víghóls

Mættir í Lækjarnes: Guðmundur, Ólafía, Rakel, Halldór, Ólafur og Guðný.

Pósthólfið hefur hækkað í verði og við ætlum að segja því upp.

Áætlum að halda jólaball fyrir krakkana í Reykjadal eða fá jólasvein til að fara í hús ef Covid faraldur leyfir.

Jólatréssala í Æsustaðafjalli, hvað eigum við að gera í því.  

Oddsbrekkur og Helgufoss
Það þarf að laga skemmdir í Oddsbrekkum og drullusvað á gönguleiðinni að Helgufossi. Hver mun sjá um að laga skemmdirnar þar? Þurfum svör frá bænum.

Af eldri málum
Ekkert verið gert ennþá í brennusvæðinu, spurning úr þessu að halda áramótabrennu. Það komu upp hugmyndir að gera svæðið fyrir neðan kirkju að samkomusvæði í stað Gvendarreits því að Gvendarreitur er ekki nálægt neinum gönguleiðum.

Óvissuferð og hópefli.
Rakel ennþá að koma með hugmyndir.  Bjór og bingó í Reykjadal, Dalakvöld á Barion, Pubquiz eða Kahoot á fimmtudagskvöldi í desember. 

Göngustígamálið
Ekkert ennþá að frétta af því þrátt fyrir fyrirspurnir.

Mávar
Dóri talaði við Guðna og bæjarverkfræðing og umhverfissvið.  Þarf að minna á í vor.  Málið annars í góðu ferli.

Aðalskipulagið
Gummi búin að vera í samskiptum við bæinn og mikill vilji þar fyrir óbreyttum hektaralóðum í dalnum svo það mál er leyst í bili.

Næstu aðgerðir sem voru ákveðnar:

• Jólasveinn í hús - Rakel skoðar
• Jólatréssala - Olla athugar
• Hópefli - Olla og Guðný skoða
• Oddsbrekkur - Dóri byrjar á uppkasti
• Brennusvæðið - Gummi talar við Ragnheiði prest
  

Fundi slitið.